Nepalac Min Bahadur Šerčan koji je prije nekoliko godina ušao u Ginisovu knjigu rekorda kao najstariji muškarac koji je osvojio Mont Everest, sada ima 85 godina i želi ponovo da krene u taj pohod da bi povratio titulu.
Nepalac Min Bahadur Šerčan koji je prije nekoliko godina ušao u Ginisovu knjigu rekorda kao najstariji muškarac koji je osvojio Mont Everest, sada ima 85 godina i želi ponovo da krene u taj pohod da bi povratio titulu.
Šerčan je rekao da na proljeće ponovo kreće u osvajanje najvišeg vrha na svijetu.
“Moj cilj je da oborim ponovo rekord. Ne želim da se takmičim bilo s kim, već da oborim sopstveni rekord”, rekao je stari Nepalac.
Šerčan je sa 76 godine 2008. godine ušao u Ginisovu knjigu rekorda, ali je 2013. godine njegov rekord oborio Japanac Juićiro Miura koji je tada imao 80 godina.
Nepalac od tada želi ponovo da se popne na 8.848 metara visok Mont Everest.
Šerčan je krenuo u taj podvig 2015. godine ali je tada Nepal pogodio razorni zemljotres i baze za alpiniste na Mont Everestu su bile zatvorene.
Od kada su prvi put Edmond Hilari i Tenzing Norgaj 1953. godine osvojili krov svijeta, na Mont Everest se popelo oko 4.000 alpinista.