22
Thu, Aug

U svijetu

Najveća atrakcija nacionalnog parka vezana je za jezero Argentino, koje se nalazi na predgorju Anda.

Najveća atrakcija nacionalnog parka vezana je za jezero Argentino, koje se nalazi na predgorju Anda.

IIIRijeka Leona ga puni vodom, a otiče kroz rijeku Santa Kruz, koja putuje ka istoku da zaroni u hladne vode Argentinskog mora. Na njemu se svakih nekoliko godina odigrava prava ledena bura i divlji haos koji pravi glečer Perito Moreno. Jezero se nalazi ispod visokih ledenih kapa, u blizini najviših vrhova Anda, a mnogo njegovih rukavaca se zavlači među planinske obronke. Sa glečera koji IIIIVse spuštaju niz njih, lednik Moreno se odlomio i klizi ka jednom od rukavaca jezera. Kad dođe do vode, ne zaustavlja se već napreduje ka suprotnoj obali. Tako je stvorena veličanstvena prirodna brana od leda jer ogromni blokovi koji u svom silasku nemilosrdno čupaju šume za sobom ne dozvoljavaju vodi da prođe.
Ipak, pošto voda uvijek pronađe svoj put, ona se nakuplja ispod brane i prodire unutar ledenog tunela. Kada toliko naraste da dobije ogromnu snagu, uz prasak i grmljavinu silovito probija branu dok se pobjesnjele riječne bujice i ogromni blokovi leda urušavaju u haosu koji prave. Zvuk pucanja se može čuti i na udaljenosti do 20 kilometara, a nakon toga je potrebno i nekoliko nedjelja da se nivo vode izjednači sa ostatkom jezera.

Nacionalna geografija