Najljepši tuneli od cvijeća i drveća koji kriju mitove i legende

Ima nešto magično u hodanju pod krošnjama drveća.

Spokoj koji se tada osjeća, ne može se porediti sa šetnjom kroz sjenke visokih zgrada nekog grada.

Pogledajte najljepše prirodne tunele na svijetu. Neki su se samostalno formirali, druge je formirao čovjek.

Mračni tunel u Sjevernoj Irskoj: Ovu lijepu aveniju od bukovih stabala su u 18. vijeku zasadili članovi porodice Stjuart, jer su željeli da impresioniraju posjetioce koji bi se tuda kretali ka njihovom domu. Danas je ovo mjesto turistička atrakcija, a postoji i legenda da je ukleto u sumrak, kada se pojavljuje duh Grej Lejdi.

Ulica u Bonu u Njemačkoj procvjeta svakog proljeća, kada se stvori roze kupola koja traje samo 2 do 3 nedjelje. A kada latice padnu na zemlju, podsjećaju na sneg roze boje.

Cvjetni Visterija tunel u Japanu: U gradu Kitakiušu postoji cvjetni tunel sastavljen od 150 biljaka cvjeta Visterija. Najbolje vrijeme za posjetu je od aprila do sredine maja, jer su tada biljke u punom cvatu. Zaista je nadrealno iskustvo hodanje ispod ovih divnih, šarenih visećih cvjetova.

Aleja hrastova duž rijeke Misisipi u Luzijani: Ova aleja se sastoji od dvostrukog reda hrastova. Dugačka je 800 metara, a hod ispod njene “nadstrešnice” je spektakularan.

Jakaranda tunel u Južnoj Africi postoji više od 100 godina i poznata je turistička atrakcija. Čovjek je sam zasadio jakaranda stabla, i to oko 70000 njih. Ovim tunelom je najljepša šetnja u oktobru, kada je drveće u punom cvatu.

Tunel ljubavi u Ukrajini je dio željezničke pruge koja vodi ka fabrici ploča. Pruga je poznata zbog prirodnog tunela koji je stvorilo drveće, a prolazak tom dionicom je poput sna. Legenda kaže da svako ko posjeti ovaj tunel ljubavi treba da zamisli želju, pa će mu se ona i ostvariti.

Put bambusa u Kjotu: U turističkoj regiji Arašijama u Kjotu popularna je šuma od bambusa koja se zove Sagano. Šumu presjeca put, pa posjetioci mogu šetati kroz redove bambusa sa lijeve i desne strane. Ovde se turisti, s razlogom, najčešće fotografišu.

Ulicu u Porto Alegre-u u Brazilu je pisac Pedro Nuno Teikeria Santos proglasio najljepšom na svijetu. Oivičena je sa preko 100 prelijepih stabala biljke Tupuan. Stabla su toliko visoka da neka dosežu do 7. sprata susednih zgrada.

Sakura tunel u Japanu: Stabla trešnje, dok su u cvatu, formiraju veličanstveni tunel roze boje. U dodiru sa noćnom svjetlošću roze boja zrači i preslikava na sve što je u tunelu, pa je atmosfera nalik na bajku.

Tunel od drveća u Holandiji se sastoji od izrazito visokog drveća i apsolutno je magičan za šetnju.